روهڙي ويجهو ايف سي اهلڪار جي بازيابي لاءِ قومي شاهراهه تي ڌرڻو، گاڏيون بيهجي ويون، مسافر پريشان
جُولاءِ 22, 2023
روهڙي (رپورٽر) روهڙي ويجهو مغوي ايف سي اهلڪار خالد پٺاڻ جي بازيابيءَ لاءِ وارثن ۽ پٺاڻ برادريءَ جي ماڻهن قومي شاهراهه تي ڌرڻو هنيو آهي
مظاهرين جو چوڻ آهي ته پوليس مغوي جي بازيابيءَ لاءِ اڃا تائين ڪو آپريشن شروع نه ڪيو آهي، مغوي جي بازيابيءَ تائين ڌرڻو جاري رهندو
صبح 8 وڳي کان لڳل ڌرڻي سبب روڊ جي ٻنهي پاسن کان ٽريفڪ معطل ٿي وئي، گاڏين جون قطارون لڳي ويون آهن جنهن ڪري مسافر پريشانين کي منهن ڏئي رهيا آهن
مغوي جي وارثن جو چوڻ آهي ته بخشاپور جي علائقي مان ايف سي اهلڪار خالد پٺاڻ کي ڌاڙيلن اغوا ڪيو، ڌاڙيلن 15 ڏينهن اڳ مغوي تي تشدد جي وڊيو به جاري ڪئي
