زرعي سڌارن لاءِ شروع ڪيل منصوبو اربين رپين باوجود رولڙي جو شڪار، ڪم مڪمل نه ٿي سگهيو

ٽنڊوڄام(رپورٽ: اظهر لوچي) سنڌ ۾ زرعي سڌارن لاءِ شروع ڪيل سوات (SWAT) منصوبي  لاءِ اربين رپيا مختص ڪيا ويا، اڃا تائين زمين تي اصل ڪم مڪمل نه ٿيو آهي، جڏهن ته رپورٽن موجب منصوبي جا ڪيترائي اهم حصا، جيڪي 2025 تائين مڪمل ٿيڻا هئا، اڃا ڊيزائن ۽ تياري واري مرحلي ۾ اٽڪيل آهين،  سرڪاري دستاويزن مطابق اڃا مڪمل نه ٿيا،  هائڊرو-ايگرو انفارميٽڪس پروگرام، / زرعي ٽيڪنالاجي سسٽم (1 ارب 94 ڪروڙ روپين ۾ پورو نه ٿيو،  پاڻيءَ جي ڀرپاسي ۽ نمڪي پروگرام لاء 758 ملين روپيا وارو منصوبو مڪمل نه ٿيو، جڏهن ته فصلن جي نگراني ۽ رپورٽنگ لاء مقرر ڪيل 334 ملين روپيا وارو منصوبو مڪمل نه ٿيو، جڏهن ته زرعي تربيت ۽ توسيع نظام (Agriculture 574 ملين روپيا واري منصوبي جو ڪم مڪمل نه ٿيو، ساڳي ئي ريت موسمي تبديلين سان مطابقت رکندڙ زرعي پروگرام 645 ملين روپيا وارو ڪم به رولڙي جو شڪار ٿي ويا آهين، سنڌ آبادگار بورڊ جي ميمبر اسلم نواز مري پنهنجي اخبار سان ڳالهائيندي چيو آهي ته ورلڊ بئنڪ جي سوات پروجيڪٽ مان آبادگارن کي ڪو به فائدو ناهي، ان پروجيڪٽ سان بس پئسا هڙپ ڪرڻا آهن.