زمبابوي وومينز ٽيم پهريون ڀيرو پاڪستان ايندي، شيڊيول جاري

لاهور (اسپورٽس نيوز) زمبابوي جي وومينز جي ڪرڪيٽ ٽيم پهرين ڀيرو پاڪستان جي دوري تي 29 اپريل تي ڪراچي پهچندي، ٻنهي ٽيمن وچ ۾ 6 وائيٽ بال ميچون کيڏيون وينديون. پي سي بي طرفان جاري ڪيل شيڊيول موجب،3 ون ڊي ميچون آءِ سي سي وومينز چيمپئن شپ 2025-29 جو حصو هونديون، هڙئي ميچون نيشنل بئنڪ اسٽيڊيم ۾ کيڏيون وينديون. شيڊيول موجب، هڪ ڏينهن واريون ميچون 3، 6 ۽ 9 مئي تي منجهند ساڍي 3 وڳي شروع ٿينديون، جڏهن ته ٽي ٽوئنٽي انٽرنيشنل سيريز 12، 14 ۽ 15 مئي تي کيڏي ويندي. ٽي ٽوئنٽي انٽرنيشنل ميچون رات ساڍي 7 وڳي شروع ٿينديون، ٽي ٽوئنٽي سيريز وومينز ٽي ٽوئنٽي ورلڊ ڪپ جي تياري ۾ مددگار ثابت ٿيندي. وومينز ٽي ٽوئنٽي ورلڊ ڪپ 12 جون کان 5 جولاءِ تائين انگلينڊ ۽ ويلز ۾ کيڏيو ويندو، پاڪستان وومينز ٽيم ورلڊ ڪپ کان اڳ آئرلينڊ ۾ ٽه ملڪي سيريز به کيڏندي.