| سجاول جي واپاري ۽ وڪيل ۾ تڪرار، 11 ڄڻن جا وارنٽ جاري |
سجاول (رپورٽر) سجاول ۾ واپاري نواز ميمڻ ۽ وڪيل لياقت جماري واري مامري جو نبيرو نه ٿي سگھيو، سينيئر وڪيل لياقت جماري جي جونيئر منظور علي جماري جي فرياد تي 11 واپارين خلاف سول جج اينڊ جوڊيشل مئجسٽريٽ ٽو جي عدالت وارنٽ جاري ڪري ڇڏيا آھن، وڪيل منظور جماري پاران عدالت ۾ الزام لڳايو ويو آھي ته ڄاڻايل سمورا ماڻھو وياج جي ڪڌي ڪم ۾ ملوث آھن، جن خلاف ڪاروائي عمل ۾ آندي وڃي، ۽ کين گرفتار ڪري سخت سزا ڏني وڃي، درخواستگذار مطابق وياج جي الزام ھيٺ يارنھن ڄڻن جا نالا ڄاڻايا ويا آھن ۽ سمورن واپارين جو تعلق ميمڻ برادري سان ڄاڻايو ويو آھي، جن ۾ مجيب ميمڻ، حفيظ ميمڻ، شعيب ميمڻ، حاجي انور ميمڻ، نثار ميمڻ، نعمان ميمڻ، زبير ميمڻ، عبدالعزيز ميمڻ، عادل ميمڻ ۽ اقبال ميمڻ جا نالا شامل ڪيا ويا آھن، عدالت سڳوري پاران وياج جي الزام ھيٺ آيل يارنھن ڄڻن خلاف نوٽيس جاري ڪري کين 19 جنوري تي طلب ڪري ورتو آھي.