| سخي ڄام ڏاتار جو ميلو: ملهه جا مقابلا: پهلوانن جي دس دسان |
ڄام صاحب(رپورٽ: بشير احمد شر) ڄام صاحب ۾ سخي ڄام ڏاتار جي سالياني ميلي ۾ ملھه ملاکڙي جا زبردست مقابلا جاري، پهلوانن زور آزمائي ڪري هوڪرا ڪرائي ڇڏيا، پهلوان نجف شاھ ۽ پهلوان سڪندر لاسي ۾ سخت مقابلو ٿيو، جنهن ۾ نجف شاھ ڪاميابي حاصل ڪري واھ واھ ڪرائي داد حاصل ڪيو، پهلوان خير محمد لنڊ، عرفان بروهي کي ٻئي ملهون دسي هوڪرا ڪرائي ڇڏيا، عرفان بروهي بوسڪي شر کي ٻئي ملهون ماري داد حاصل ڪيو، جڏھن ته ملھه پهلوانن هيرو لانڊر ، امين ڏاهري، صاحب لنڊ، رمضان نهڙي ،حاجي هوٿيپوٽو سميت ڪيترن ئي پهلوانن ۾ جوڙ جا مقابلا ٿيا، ملھه پهلوانن هڪٻئي کي وارا، جانٺا هڻي هوڪرا ڪرائي ڇڏيا، جڏهن ته ملاکڙو ڏسڻ لاءِ آيل شوقينن پاران ڪامياب ملھه پهلوانن کي انعامن سان نوازيو ويو،