سرحد جو مغوي بازياب: ڀنگ عيوض بازيابي جا چوٻول

سرحد(ن پ و )سرحد واسي پورهيت راڄوڻي ذريعي بازياب ٿي گهر پهچي ويو، علائقي ۾ ڀُنگ عيوض بازيابي جا چئوٻول هلي رهيا آهن

خبرموجب مهينو اڳ سرحد کان ڪچي طرف ويندي ساٿي عادل سميجو سميت اغوا ٿي ويل مغوي رحمت سومرو راڄوڻي ڪوششن ذريعي سرحد جي ڪچي واري علائقي ڇهون بلاڪ مان بازياب ٿي ويو آھي، علائقي جي چڱن مڙس پاران راڄوڻي ڪوششن ذريعي بازياب ڪرائڻ جي  دعوى ڪئي وئي آھي

 مغوي رحمت سومرو جي بازيابي بعد کيس سرحد ٿاڻي تي آندو ويو جتان کيس وارثن حوالي ڪري گهر نيو ويو مغوي جي گهر پهچڻ تي خوشي جي لهر ڇائنجي وئي

 هوڏانهن سرحد پوليس رابطو ڪرڻ تي ٻڌايو ته مغوي رحمت سومرو بازياب ٿي ويو آھي جنهن کي وارث گهر وٺي ويا آھن

ٻئي طرف علائقي ۾ چئوٻول آھن ته مغوي رحمت سومرو جي بازيابي راڄوڻي ڪوششن سان ڀُنگ عيوض ٿي آھي