سردار تيغو جي اڳواڻي ۾ منث ميڙ قافلو اجمل ساوند جي وارثن وٽ پهچي ويو: وارثن جو ڳالهين کان انڪار

سکر(رپورٽ: فاروق سومرو) سردار تيغو خان تيغاڻي جي اڳواڻي ۾ منٿ ميڙ قافلو اجمل ساوند جي وارثن وٽ پهچي ويو جڏهن ته وارثن ڳالهين کان انڪار ڪري ڇڏيو

تفصيل موجب سردار تيغو خان تيغاڻي جي اڳواڻي ۾ منٿ ميڙ قافلو ڊاڪٽر اجمل ساوند جي وارثن وٽ پهتو، قافلي ۾ سائين محمد شاهه، بشير شاهه، لياقت ملڪ ۾ ٻيا شريڪ هئا

 شهيد اجمل ساوند جي ڀاءُ ڊاڪٽر طارق ساوند، ڊاڪٽر علي نواز، اشرف ساوند ۽ ٻين وارثن  ڳالهين کان انڪار ڪري ڇڏيو

سندن چوڻ هو ته منٿ ميڙ ڪافلي جو احترام آهي پر شهيد جي قاتلن کي معاف نٿو ڪري سگهجي، ايف آئي آر ۾ ڄاڻايل قاتلن کي گرفتار ڪري کين عبرتناڪ سزا ڏني وڃي

طارق  ساوند سردار تيغو چسن تيغاڻي جي اڳواڻي ۾ پهتل منٿ ميڙ ڪافلي کي التجا ڪئي ته پروفيسر ڊاڪٽر اجمل ساوند جي خون سان انصاف لاءِ اسان جي مدد ڪريو

ڊاڪٽر اجمل ساوند جي وارثن طرفان انڪار بعد منٿ ميڙ قافلو مايوس ٿي واپس روانو ٿي ويو