سعودي گارڊ جي معذور عورت کي طواف ڪرائڻ جي وڊيو وائرل

رياض(پنهنجي ڊيسڪ) سعودي گارڊ جي معذور عورت کي طواف ڪرائڻ جي وڊيو سوشل ميڊيا تي وائرل ٿي وئي آهي جنهن ڏسندڙن جون دليون کٽي ورتيون آهن

پرڏيهي ميڊيا موجب سعودي عرب ۾ حج جا رڪن جاري آهن مسجد الحرام ۾ مقرر هڪ سيڪيورٽي گارڊ انسانيت جو وڏو مثال قائم ڪري ڏيکاريو، سعودي گارڊ ڏسڻ جي سگهه کان محروم هڪ عورت کي طواف ڪرائڻ ۾ مدد ڪئي

سعودي سيڪيورٽي گارڊ جي معذور عورت کي طواف ڪرائڻ واري اها وڊيو سوشل ميڊيا تي وائرل ٿي وئي وڊيو ۾ ڏسي سگهجي ٿو ته گارڊ  وڏي همدردي سان ڏسڻ جي سگهه کان محروم ان عورت کي طواف ڪرڻ ۾ هٿ جهلي مدد ڪري رهيو آهي

وڊيو وائرل ٿيڻ بعد صارفين دلچسپ تبصرا ڪري سعودي گارڊ کي زبردست خراج تحسين پيش ڪري رهيا آهن ڪيترن ئي صارفين لکيو آهي ته سعودي گارڊ جو اهو عمل انسانيت لاءِ وڏو مثال آهي