| سنڌڙي ويجهو شوٽنگ بال ٽورنامينٽ پنجاب جي بوريوالا جي ٽيم کٽي ورتو |
سنڌڙي (ن پ ا) سنڌڙي ڀرسان ڳوٺ حاجي شاھ بخش لاشاري ۾ ٽن ڏينهن وارو ٻيو آل پاڪستان محمد عمر ۽ پير بخش لاشاري شوٽنگ بال ٽورنامنٽ ٿيو. ٽورنامنٽ ۾ الفريڊساهيوال، بوزدار ڪلب کپرو، عبدالرشيد ڪلب ميان چنو، شان ڪلب بوري والا، نياز ڪلب حيدرآباد، ذوالفقار ڪلب پنوعاقل، بلوچ ڪلب ميرپورخاص، قاضي ڪلب ٺيڙهي، بلوچ ڪلب ڊيرا نواب، سروري ڪلب حيدرآباد سميت ملڪ جي 32 ٽيمن حصو ورتو. فائنل الفريڊ ڪلب ساهيوال ۽ شان ڪلب بوريوالا وچ ۾ ٿيو جيڪو شان ڪلب بوريوالا 18جي ڀيٽ ۾ 21 پوائنٽ تان پنهنجي نالي ڪري ورتو. مهمان خاص صوبائي وزير سياحت ۽ ثقافت سيد ذوالفقار علي شاھ ھو جنھن کٽيندڙ ۽ رنراپ ٽيمن ۾ روڪ رقم ۽ ٽرافيون ورهايون. هن ڳوٺ شاھ بخش لاشاري ۾ راندين جو گرائونڊ ٺهرائڻ جو اعلان ڪيو. آر گنائيزنگ ڪميٽي واسديو مل مالھي، ڊاڪٽر قمر الدين لاشاري، ڊاڪٽر جان محمد لاشاري پاران سيد ذوالفقار علي شاھ کي بوسڪي جو پٽڪو پهرايو ويو. جڏهن تہ انهي موقعي ٽورنامنٽ ڪميٽي ڊاڪٽر قمر الدين لاشاري، ڊاڪٽر جان محمد لاشاري، جميل لاشاري، محمد علي لاشاري ۽ ٻين مهمانن کي سنڌي لونگي اجرڪن جا تحفه ڏنا.