سنڌ آبادگار اتحاد پاران تيل اگهه رد، 20 اپريل کان تحريڪ جو اعلان

حيدرآباد (بيورو رپورٽ) سنڌ آبادگار اتحاد ڊيزل اگهھ ۾ واڌ کي رد ڪندي ڪڻڪ 4500۽ ڦٽين جو اگھه 10هزار رپيا مڻ جي گهر ڪئي آهي ۽ 20اپريل کان احتجاجي تحريڪ جو اعلان ڪري ڇڏيو آهي. سنڌ آباد گار اتحاد جي صدر نواب زبير ٽالپر حيدرآباد پريس ڪلب ۾ پريس ڪانفرنس ڪندي چيو ته پيٽرول ۽ ڊيزل جي اگهن ۾ واڌ زراعت ۽ ان سان لاڳاپيل آبادگارن ۽ هارين کي سخت متاثر ڪيوآهي. ڪڻڪ جو اگهھ هلندڙ سال 3500 رپيا تمام گهٽ آهي، فصلن جو خرچ به نٿو نڪري.  ڪڻڪ جو في مڻ 45 سو رپيا ۽ ڪپھ جو اگهه 10 هزار رپيا مڻ مقرر ڪيو وڃي، ڊيزل جو في ليٽر   جنگ کان اڳ وارو ريٽ 290 رپيا ليٽر مقرر ڪيو وڃي.