سنڌ جي اسڪولن ۾ واش روم ۽ ٻارن وٽ ڪتاب نه هجڻ شرمناڪ آهي: نگران وڏو وزير

نگران وڏي وزير مقبول باقر چيو آهي ته سنڌ جي اسڪولن ۾ واش روم ۽ ٻارن وٽ ڪتاب نه هجڻ شرمناڪ آهي، صوبي جي اسڪولن جي حالت ڏاڍي خراب آهي

ملير ۾ تعليم بابت تقريب کي خطاب ڪندي نگران وڏي وزير جسٽس (ر) مقبول باقر وڌيڪ چيو ته بهتري آڻڻ جي ڪوشش ڪري رهيا آهيون، جنهن ڏينهن پنهنجن فيصلن تي عمل نه ڪرائي سگهيس توهان کي نظر نه ايندس

نگران وڏي وزير ملير جي علائقي قذافي ٽائون پهچي سنڌ ٽيڪسٽ بوڪ بورڊ جي گودام جو دورو به ڪيو

نگران وڏي وزير مقبول باقر چيو ته هڪ پاسي مان استادن کي تعليمي ماحول بهتر بڻائڻ لاءِ زور ڀري رهيو هيس، ٻئي پاسي شاگردن وٽ پڙهڻ لاءِ ڪتاب ئي نه هئا، ان تضاد مون کي بي چين ڪري ڇڏيو

هن چيو ته اسان جا اسڪول ٻارن کي سائنس، ادب ۽ رياضي پڙهائڻ جي طريقن سان ليس نه آهن، شرمندگي جي ڳالهه آهي ته اسان پنهنجن ٻارن تائين وقت سر نصابي ڪتاب نه پهچائي سگهياسين

نگران وڏي وزير مقبول باقر چيو ته ڪتابن جي ڇپائي کان ويندي تدريسي طريقن تائين سمورو تعليمي نظام تبديل ڪرڻ جي ضرورت آهي