سنڌ جي 24 ڪامورن کي ايڊيشنل چيف سيڪريٽري،ڪمشنر ۽ سيڪريٽري طور ترقي    

ڪراچي(رپورٽ: شاهد ميراڻي) سنڌ جي وڏي وزير سيد مراد علي شاھ جي سربراهي ۾ صوبائي سليڪشن بورڊ ون جو اجلاس، صوبائي سيڪريٽريٽ سروس ۽ ايڪس پي سي ايس جي 24 آفيسرن کي 20هين ۽ 21هين گريڊ ۾ ترقيون ڏيڻ جي منظوري. ذريعن وٽان مليل ڄاڻ موجب  20هين گريڊ جي صوبائي سيڪريٽري  اختر بگٽي، خالد چاچڙ ۽ انجم اقبال جماڻي کي 21هين گريڊ ۾ ترقي جي منظوري ڏني وئي . جڏهن ته گريڊ 19هين جي 21 آفيسرن کي 20هين گريڊ ۾ سيڪريٽري طور ترقي ڏيڻ جي منظوري ڏني وئي، سيڪريٽري جي عهدن تي ترقي ماڻيندڙن ۾ امداد علي شاهه، سعيد شيخ، زاهد کيمٽيو، مقصود ڪلهوڙو،   شاڪر قيوم خانزاده، سڪندر خشڪ، محمد اسلم کوسو، غلام مرتضيٰ ميمڻ، احيان مصطفيٰ، جمشيد عالم ميمڻ، عمران ڀٽي، سيف الله ابڙو، فرخ شهزاد قريشي، غلام فاروق لغاري ۽ نذير احمد سومرو، ناصر خان، طارق علي، فضل حسين اويسي، آصف جميل ۽ نذير احمد قريشي ۽ ٻيا شامل آهن. جڏهن ته ٻين کاتن جي آفيسرن کي پڻ مٿين گريڊ ۾ ترقين جي منظوري ڏني وئي آهي.