سنڌ پوليس جي اهلڪارن کي وڏو رليف، ڊيوٽي 12 مان 8 ڪلاڪ ڪرڻ جو اعلان

ڪراچي (رپورٽ: حبيب جمالي) آءِ جي سنڌ پوليس اهلڪارن جي ڊيوٽي 12ڪلاڪن مان گهٽ ڪري 8ڪلاڪ ڪرڻ جو اعلان ڪري ڇڏيو

شاهد حيات پوليس ٽريننگ ڪاليج سعيدآباد ڪراچي ۾ پاسنگ آئوٽ پريڊ تقريب ٿي جنهن ۾ وڏي وزير مراد علي شاهه ۽ آءِ جي سنڌ غلام نبي ميمڻ به شرڪت ڪئي

وڏي وزير مراد علي شاهه جي شاهد حيات پوليس ٽريننگ ڪاليج سعيدآباد ڪراچي آمد تي آءِ جي سنڌ غلام نبي ميمڻ، ڊي آءِ  جي ٽريننگ حميد کوسو ۽ ٻين آجيان ڪئي

وڏي وزير مراد علي شاهه کي گارڊ آف آنر پيش ڪيو ويو، وڏي وزير آڊيوٽوريم جو به افتتاح ڪيو، وڏي وزير آءِ جي سنڌ سان گڏجي جيپ ۾ سوار ٿي پاس آئوٽ ٿيندڙ دستن جو معائنو ڪيو

ان موقعي تي تقريب کي خطاب دوران آءِ جي سنڌ پوليس اهلڪارن جي ڊيوٽي 12ڪلاڪن مان گهٽ ڪري 8ڪلاڪ ڪرڻ جو اعلان ڪيو، آءِ جي سنڌ چيو ته پوليس آفيسرن ۽ جوانن جي پگهارن ۾ واڌ ڪئي آهي