سنڌ پوليس ۾ تبديليون، ڪيترن ئي آفيسرن جون بدليون ۽ مقرريون

ڪراچي (اسٽاف رپورٽر) سنڌ پوليس ۾ ڪورنگي، ٽنڊوغلام حيدر، بدين، حيدرآباد، سجاول، مٽياري جي پوليس آفيسرن جون بدليون ۽  مقرريون ويون آهن

آءِ جي سنڌ پاران پوليس آفيسرن جي بدلين ۽ مقررين جو نوٽيفڪيشن جاري ڪيو ويو آهي، جنهن موجب ايس پي انويسٽيگيشن ڪورنگي عارب مهر کي هٽائي سي پي او ۾ رپورٽ ڪرڻ جي هدايت ڪئي وئي آهي

عبدالغفور خاصخيلي ايس ڊي پي او ٽنڊو غلام حيدر مقرر، ڊي ايس پي سجاد الحسن جون خدمتون ايڊيشنل آءِ جي آپريشن حوالي ڪيون ويون آهن

احمد خان اوڍيجو کي ڊي ايس پي هيڊڪوارٽر بدين مقرر ڪيو ويو آهي، محمد اشفاق باجوا ڊي ايس پي، پي پي يو حيسڪو حيدرآباد مقرر ڪيو ويو آهي

ممتاز علي بگٽي ايس ڊي پي او سجاول ۽ جاويد اقبال بلوچ ڊي ايس پي ڪمانڊ اينڊ ڪنٽرول سينٽر سي پي او مقرر ڪيو ويو آهي

محمد حسين جسڪاڻي کي ايس ڊي پي او آمري مقرر ۽ جاويد احمد هالو کي ڊي ايس پي هيڊڪوارٽر مٽياري مقرر ڪيو ويو آهي