سنڌ پوليس ۾ وڏي پئماني تي مقرريون ۽ بدليون

ڪراچي(اسٽاف رپورٽر) سنڌ پوليس ۾ ايس ايس پي سطح جي آفيسرن جون وڏي پيماني تي مقرريون ۽ بدليون ڪيون ويون آهن. تفصيل موجب آء جي سنڌ جي منظوري سان پوليس آفيسرن جي بدلين ۽ مقررين جو نوٽيفڪيشن جاري ڪيو ويو. نوٽيفڪيشن تحت ايس ايس پي عرفان سمون کي شڪارپور مان بدلي ڪري ڪشمور ۾ مقرر ڪيو ويو جڏهن ته حيدرآباد جي ايس ايس پي امجد شيخ کي شڪارپور مقرر ڪيو ويو

سي پي او مان ڊاڪٽر فرخ رضا کي بدلي ڪري ڄامشوري جو ايس ايس پي مقرر ڪيو ويو،  بشير بروهي کي سانگھڙ مان بدلي ڪري سندس ذميواريون سي ٽي ڊي حوالي ڪيون ويون، اتان ساجد امير سدوزئي کي ھٽايو ويو

عمران قريشي کان ڄامشورو جي چارج وٺي سي پي او ۾ اي آء جي اسٽيٽ مينيجمينٽ مقرر ڪيو ويو، ساجد امير سدوزئي کي سي ٽي ڊي ڪراچي مان بدلي ڪري حيدرآباد جون ذميواريون ڏنيون ويون

عابد بلوچ کي ٿرپارڪر مان بدلي ڪري سانگھڙ مقرر ڪيو ويو، جڏھن ته سندس جاء تي زاھده پروين کي ٿرپارڪر جون ذميواريون سونپيون ويون آهن، ايس پي ٽريفڪ منظور علي ڪراچي مان بدلي ڪري شھيد بينظير آباد ۾ مقرر ڪيو ويو