سوهانا شرما بازياب نه ٿي، وارث پوليس کان مايوس، هندو برادري جو اڄ ڪٺ

قاضي احمد (  ن پ و) قاضي احمد مان مبينا طور اغوا ڪيل  شاگردياڻي  سوهانا شرما جو ڪوبه پتو نه پيو، هندو برادري اڄ ڪٺ سڏائي ورتو آهي

دوست محمد ڪالوني مان ٽن ھٿياربندن هٿان اغوا ڪيل هندو شاگردياڻي سوهانا شرما جي بازيابي لاءِ پوليس ڪو تحرڪ ناهي ورتو جنهن سبب هندو برادري مايوسي جو شڪار آهي

ھندو پنچائت طرفان اڄ ڪٺ سڏايو ويو آهي جنهن ۾ شاگردياڻي جي بازيابي لاءِ حڪمت عملي جوڙي ويندي ان سان گڏ ڌرڻو به هنيو ويندو

ناري جي پيءُ دليپ ڪمار ٻڌايو ته جيڪڏھن اڄ تائين نياڻي واپس نه ٿي ته پوء برادري سان ملي ايندڙ لائحه عمل جو اعلان ڪيو ويندو

هي به پڙهندا

هن چيو ته پوليس سوهانا جي بازيابي لاءِ ڪي ڪوششون نه پئي ڪري جنهن تي اسان جي برادري سخت مايوسي جو شڪار آهي

ٻئي پاسي پوليس جو چوڻ آهي ته شاگردياڻي جي بازيابي لاءِ مختلف هنڌن تي ڇاپا هنيا آهن پر سوهانا هٿ اچي ناهي سگهي، شاگردياڻي کي جلد بازياب ڪرايو ويندو