| سوڀي ديري ڀرسان زميني تڪرار تان ويڙهاند، هڪ ڄڻو قتل، 3 زخمي |
سوڀوديرو(ن پ ا) سوڀوديرو ويجهو ڳوٺ کوکر ۾ زميني تڪرار تان جهيڙو ۾ هڪ ڄڻو قتل، ٽي ڄڻا زخمي ٿي پيا سوڀوديرو ويجهو ڳوٺ کوکر ۾ کوکر برادري جي ٻن ڌرين ۾ زميني تڪرار تان جهيڙو ٿيو جنهن دوران ٻنهي پاسي جا گهٽ ۾ گهٽ چار ماڻهو زخمي ٿي پيا امام بخش ، حمزه علي، محمد علي کوکر زخمين ۾ شامل آهن. جهيڙي دوران سخت زخمي ٿيل امام ڏنو کوکر علاج دوران گمس اسپتال گمبٽ ۾ فوت ٿي ويو واقعي خلاف زخمين جي وارثن پاران سوڀوديرو ٿاڻي آڏو احتجاج ڪيو غلام سرور، صوبدار کوکر، راض علي کوکر، سعيدان خاتون، ڪونج خاتون ۽ ٻين سوڀوديرو ٿاڻي اڳيان احتجاج ڪيو سندن چوڻ هيو ته محمد علي، حبدار ۽ عيدل کوکر وارن سان ٽن سالن کان زمين جي مالڪي تان تڪرار هلندڙ آھي اڄ اسان پنهنجي ذاتي زمين تي ٽريڪٽر هلائي رهيا سياسي ته مخالف ڌر جي ماڻھن اسان مٿان هٿيارن سان حملو ڪري اسان جي ٽريڪٽر کي نقصان پھچايو ۽ امام بخش، حمزه علي تي سڌي فائرنگ ڪري اسان جا نوجوان زخمي ڪيا جنهن کي ڳڻتي جوڳي حالت ۾ گمبٽ اسپتال نيو ويو جتي امام بخش کوکر فوت ٿي ويو انهن مطالبو ڪيو ته حملو ڪندڙن خلاف ڪارروائي ڪري انصاف فراهم ڪيو وڃي جڏھن ته ايس ايڇ او سوڀوديرو پيار علي جتوئي چيو ته ڌريون پاڻ ۾ رشتيدار آھن جن جو تقريبن ٽن سالن کان زمين تي تڪرار هلندڙ آھي جهيڙي ۾ هڪ ڄڻو قتل ٿي ويو آھي ڪجهه زخمي آھن ڪاروائي ڪندي ڪجهه گرفتاريون ڪيون آھن ڌرين سان انصاف ڪيو ويندو مقتول جي ڀاڄائي سعيدان خاتون جي فرياد تي اٺ سڃاتل ۽ ٻه اڻسڃاتل جوابدارن مٿان سوڀوديرو ٿاڻي قتل جو ڪيس داخل ڪيو ويو.