| سيتا ۾ گورنمينٽ اسڪولن ۾ دوستاڻي ميچ: سيتاروڊ فاتح |
سيتاروڊ (رپورٽ: امتياز احمد ٻگهيو ) گورنمينٽ ھائير سيڪنڊري اسڪول سيتاروڊ ۽ گورنمينٽ هاءِ اسڪول خيرپورناٿن شاهه جي ٽيم ۾ دوستاڻي ڪرڪيٽ ميچ، سيتاروڊ هائير سيڪنڊري اسڪول گرائونڊ ۾ ٿي، جنهن ۾ سيتاروڊ جي ٽيم فتح حاصل ڪري ورتي، ان حوالي سان سيتاروڊ جي ٽيم ٽاس کٽي پهريان بيٽنگ ڪندي 8 اوورن ۾ 171 رنسون ٺاهيون، جنهن جي مقابلي ۾ خيرپورناٿن شاهه جي ٽيم 8 اوورن ۾ 117 رنسون ٺاهي سگهي، سيتاروڊ جي ٽيم ۾ بهترين راند جو مظاهرو ڪندي غيور عباس طور 26 بالن تي 92 رنسون ٺاهي نمايان رهڻ سميت مين آف دي ميچ قرار ڏنو ويو. دوستاڻي ميچ جي اڳواڻي سيتاروڊ هايئر سيڪنڊري اسڪول جو پرنسپال ذوالفقار علي عباسي ۽ خيرپورناٿن شاهه هاءِ اسڪول جي هيڊ ماستر الهورايو کوسو ڪئي، ايسوسيئيٽ پروفيسر محمد شعيب آرائين مهمان نوازي جا فرض سرانجام ڏيندي آيل مهمانن جنهن ۾ مولوي عبدالغفور سيتائي، ڊگري ڪاليج سيتاروڊ جي پرنسپال پروفيسر رفيق احمد سومرو، الله ورايو کوسو، گسٽا تعلقي صدر بشيراحمد گاڏھي سميت ٻين آيل معزز استادن کي سنڌ جي سوکڙي اجرڪ جا تحفا پيش ڪري مان ڏنو، آخر ۾ آيل مهمانن ڪاميابي ماڻيندڙ ٽيم جي حوصلائي افزائي ڪندي خوب داد، انعامي ٽرافي، روڪ رقم ۽ ٻيا انعام پڻ ڏنا.