ڪراچي (پنهنجي ڊيسڪ) سيما حيدر بابت نيون حقيقتون سامهون آيون آهن، هن پهرين شادي به پسند جي ڪئي هئي
جيڪب آباد جي ڳوٺ لال خان جکراڻي ۾ سيما جي سهري امير جان نجي ٽي وي چينل سان ڳالهائيندي چيو ته سيما ۽ سندس پٽ غلام حيدر 2014ع ۾ شادي ڪئي هئي، ٻئي 2019ع ۾ ڪراچي منتقل ٿي ويا هئا
هن چيو ته ڪراچي ۾ مڪان مالڪ ٻڌايو ته سيما ڳوٺ وڃڻ جو چئي هتان هلي وئي آهي پر هو ڳوٺ نه آئي ۽ ڀارت پهچي وئي
هن چيو ته سيما ڳوٺ ۾ سنڌي ڳالهائيندي هئي ان کي ڪڏهن به هندي ۾ ڳالهائيندي نه ٻڌو هو،سيما ڀارتي ميڊيا کي انٽرويو ۾ چيو هو ته سچن سان ڳالهائيندي هيس جنهن دوران هندي سکي ورتي
پاڪستاني سڃاڻپ ڪارڊ موجب سيما جي عمر 21 سال آهي پر هوءَ پنهنجي عمر 27 سال ٻڌائي ٿي،
سيما سچن تائين پهچڻ لاءِ خيرپور ۾ پنهنجو گهر به وڪڻي ڇڏيو، سيما جو تعلق خيرپور جي تعلقي ڪوڏيجي جي ڳوٺ رند حاجاڻو سان آهي
سيما حيدر جي هڪ غير شادي شاده ڀيڻ، ڀاءُ ۽ چاچو انهي ڳوٺ ۾ رهن ٿا، خاندان 13 سال اڳ سيما حيدر کان لاتعقلي جو اعلان ڪيو هو
ڳوٺ جي ماڻهن جو چوڻ آهي ته سيما کي اداڪاري جو شوق هو، هوءَ هڪ نوجوان سان شادي ڪرڻ چاهيندي هئي گهروارن جي انڪار بعد ڳوٺ ڇڏي هلي وئي
بعد ۾ خبر پئي ته جيڪب آباد ۾ غلام حيدر سان عدالت ۾ پسند جي شادي ڪئي بعد ۾ سيما جو والد به پنهنجي ڌيءُ وٽ هليو ويو
سيما جو والد 8 مهينا اڳ فوت ٿي ويو ته ميت ڳوٺ آندي وئي پر سيما کي اچڻ جي اجازت نه ڏني وئي هئي
