سيوهڻ ۾ بودلا بھار سڪندر واري پڙ تان جلوس برآمد، عزادارن پاران نوحاخواني

سيوھڻ (ن پ ا)  سيوھڻ ۾ ڪربلا جي شھيدن کي ڀيٽا پيش ڪرڻ جو سلسلو جاري آھي، بودلا بھار سڪندر واري پڙ تان

 درگاھ بودلا بھار جي گادي نشين اختر حسين نقوي جي اڳواڻي ۾ ذوالجناح جو جلوس برآمد ڪيو ويو، جنھن ۾  عزادارن نوحا خواني ڪري سينا زني جو ماتم ڪيو جلوس مختلف رستن کان ٿيندو

 حضرت لعل شهباز قلندر جي گولڊن گيٽ واري صحن ۾ پھتو ته مجلس عزا برپا ڪئي وئي. جڏھن ته ذوالجناح پنھنجي مقرر رستن کان ٿيندو تجر وار پڙ تي پھچي نھر ٿي ويو ۽ ھن اھم جلوس جي روٽ تي نگر نياز سان گڏ

 مومنين لاءِ ٿڌي پاڻي ۽ شربت چانھن جون سبيلن جو پڻ بندوبست ڪيو ويو ۽ ٻئي طرف ميونسپل ڪميٽي سيوھڻ جي چيرمين سيد شھزاد حيدر شاھ جي نگراني ۾ جلوس جي روٽ تي ھلندڙ برسات دوران به  صفائي جو پڻ انتظام جاري رھيو

 ۽ ماتمي جلوس جي حفاظت ڪرڻ لاءِ ون فائيو انچارج منظور دل جي نگراني ۾ سيڪيورٽي جا انتظام انتهائي سخت ڪندي پنجاھ اھلڪار مقرر ڪيا ويا