سکر بورڊ پاران نائين جماعت جا نتيجا پڌرا: 42148 اميدوار پاس

سکر (بيورو رپورٽ) تعليمي بورڊ سکر پاران نائين جماعت جا نتيجا پڌرا ڪري ڇڏيا، 50830 اميدوارن مان 42148 اميدوار سمورن پيپرن ۾ پاس، 233 اميدوار ستن يعني سمورن پيپرن ۾ فيل ٿي ويا

 تعليمي بورڊ سکر جي ڪنٽرولر امتحانات عبدالفتاح مهر جي صحيح سان نائين جماعت سائنس گروپ جا نتيجا پڌرا ڪيا ويا آهن

 تعليمي بورڊ جي انتظامن هيٺ سکر، خيرپور ۽ گهوٽڪي ضلعن جي 50 هزار 830 اميدوارن نائين جماعت جي امتحانن ۾ حصو ورتو، جن مان 42 هزار 148 اميدوار سمورن پيپرن يعني ستن پيپرن ۾ پاس ٿيا آهن

 5800 اميدوار هڪ پيپر، 974 ٻن پيپرن، 987 ٽن پيپرن، 391 چئن پيپرن، 117 پنجن پيپرن، 178 اميدوار ڇهن پيپرن ۽ 233 اميدوار سمورن پيپرن ۾ فيل ٿيا آهن

  218 اميدوار غير حاضر رهيا، مجموعي طور تي 28100 شاگر ۽ 14048 شاگردياڻيون  سمورن پيپرن ۾ پاس ٿيا آهن

 اهڙي طرح جنرل گروپ ۾ 1314 اميدوارن حصو ورتو جن مان 905 اميدوار سمورن پيپرن ۾ پاس ٿيا آهن