سڪرنڊ:  پوليس به غير محفوظ، ايڊيشنل ايس ايچ او ۽ منشي کان ورديون ڦر

سڪرنڊ (ن پ ا) سڪرنڊ ۾ پوليس به غير محفوظ،  ڦورو  ايڊيشنل ايس ايچ او ۽ ننڍي منشي کان پوليس ورديون،  موٽر سائيڪل سميت ٻيو سان ڦر ڪري ويا، ان ڏس ۾  سڪرنڊ ٿاڻي جو ايڊيشنل ايس ايچ او الاهي بخش ڏاهري ۽ منشي يونس کوسو نوابشاهه ۾ ايس ايس پي پاران گهرايل ميٽنگ مان واپسي تي دليل ديرو وٽ پهتا، جتي موٽر سائيڪل سوار 2 هٿياربند الاهي بخش ڏاهري ۽ يونس کوسو کان موٽر سائيڪل ، پوليس ورديون ، بيلٽ،  ڪيس ڊائري ۽ ٻيو سامان ڦر ڪري فرار ٿي ويا. سڪرنڊ پوليس واقعي کي لڪائي راڄوڻي ذريعي پوليس ورديون ۽ ڦر ٿيل سامان واپس ڪرائڻ جي ڪوشش ۾ رڌل آهي. سڪرنڊ ٿاڻي تي واقعي جو ڪيس به داخل نه ڪيو ويو آهي