شاپنگ سينٽر ٺهرائڻو آهي، پپر جو وڻ وٺو: لاڙڪاڻو انتظاميا جو هوڪو

لاڙڪاڻو (پنهنجي ڊيسڪ) لاڙڪاڻو انتظاميا شاپنگ سينٽر ٺهرائڻ لاءِ قديم پپر جي وڻ جي ٻولي لڳائي ڇڏي، 800 رپيا في مڻ وڻ وڍي وڪرو ڪيو پيو وڃي

ان حوالي سان سوشل ميڊيا تي مهم هلائي پئي وڃي ته قديم پپر جو وڻ بچايو وڃي، سوشل ميڊيا تي وڻ جي تصوير به شيئر ڪئي وئي آهي

سوشل ميڊيا تي چيو ويو آهي ته لاڙڪاڻي جي جھوني پپر کي ڪير بچائيندو؟ ريشم گھٽيءَ جي مھڙ وٽ پپر جو وڻ آهي

لاڙڪاڻي جي جھوني پپر کي ڪير بچائيندو
ھي ريشم گھٽيءَ جي مھڙ وٽ بيٽل پپر جو وڻ جيڪو ڏيڍ ٻه سئو سال کان به آڳاٽو وڻ آھي ھي صرف پپر جو وڻ ناهي پر تاريخ آهي اڻڳڻين پکين گلن آکيرن مانارن ڪچھرين يادن نھارن جو ديس آهي جنهن کي محظ 800 سئو رپيا مڻ عيوض وڪيو پيو وڃين ڪير مالڪي ڪندو pic.twitter.com/WDguMVtj9p

— شھزادي حسين (@sadafsadaf) June 6, 2023

پپر جو اهو وڻ ڏيڍ ٻه سئو سال کان به آڳاٽو وڻ آھي جيڪو صرف پپر جو وڻ ناهي پر هڪ تاريخ آهي، وڻ تي اڻڳڻين پکين جا آکيرا، ماکي جا مانارا آهن

سوشل ميڊيا تي ڄاڻايو ويو آهي ته رڳو 800 رپيا في مڻ عيوض اهو وڻ وڪرو ڪيو پيو وڃي، ڪير ان وڻ جي مالڪي ڪندو

ذريعن جو چوڻ آهي ته ضلعي انتظاميا موجب سرڪاري پلاٽ آهي جتي اهو پپر جو وڻ بيٺل آهي، ضلعي انتظاميا ان پلاٽ تي شاپنگ سينٽر ٺهرائڻ چاهي ٿي جنهن ڪري وڻ وڍيو پيو وڃي، واضح رهي ته سنڌ جي راڄڌاني ڪراچي سوڌو دنيا جي مختلف شهرن ۾ وڻ وڍڻ بدران ان جو حل ڪڍي اتي عمارتون تعمير ڪيون ويون آهن، اهڙو مثال اوهان تصويرن ۾ به ڏسي سگهو ٿا