شرپسندن کي وارننگ: قانون هٿن ۾ کڻندرڻ کي چٿي ڇڏينداسين: وزيراعظم
مَي 11, 2023
اسلام آباد(مانيٽرنگ ڊيسڪ) وزيراعظم شهباز شريف شرپسندن کي وارننگ ڏيندي چيو آهي ته شرپسندن کي خبردار ڪريان ٿو ته قانون هٿ ۾ کڻندڙن کي ٻنهي هٿن سان چٿيو ويندو، پي ٽي آءِ جي قيادت حساس ملڪيتن تي دشمنن جيان حملا ڪيا، پاڪستان جي عوام ڪڏهن به اهڙا منظر نه ڏٺا آهن، قوم کي خطاب ڪندي وزيراعظم شهباز شريف چيو ته عمران خان کي ڪرپشن جي ڪيس ۾ گرفتار ڪيو ويو، نيب اُن ڪيس جي جاچ ڪري رهيو آهي، حساس سرڪاري ملڪيتن کي نقصان پهچائي ملڪ دشمني جو ثبوت ڏنو ويو، پاڪستان جي سياسي تاريخ تلخ رهي آهي، سياست ۾ انتقامي ڪارروائين جو انجام سٺو ناهي هوندو، اسان کي ماضي مان سبق سکڻ گهرجي، گذريل 4 سالن ۾ ڪيس نه فيس ڏٺو ويندو هو، طئه ڪيو ويندو هو ته ڪنهن کي جيل موڪلڻو آهي ۽ ڪنهن کي رعايت ڏيڻي آهي، عمران خان جي حڪومت ۾ رڳو الزامن تي گرفتاريون ٿينديون هيون.
