شهري هدفن تي حملا نه ڪريو: فرانس جو ايران کان مطالبو

تهران/پيرس (م ڊ) ايران جي پرڏيهي وزير عباس عراقچي پنهنجي فرانسيسي هم منصب جين نوئل بارو سان ٽيليفون تي ايران تي آمريڪا-اسرائيل جنگ جي سيڪيورٽي ۽ معاشي نتيجن تي ڳالهايو. فرانس ايران خلاف لاڳو ڪيل جنگ جي مخالفت ۽ شهري هدفن تي حملا نه ڪرڻ تي زور ڏنو. پڌرائي موجب هن خطي ۾ صورتحال جي واڌ تي پڻ ڳڻتي جو اظهار ڪيو ۽ جنگ کي ختم ڪرڻ ۽ علائقي ۾ استحڪام ۽ سلامتي واپس آڻڻ لاءِ حل ڳولڻ لاءِ سياسي ۽ سفارتي ڪوشش کي مضبوط ڪرڻ جي ضرورت تي زور ڏنو. ٻنهي اڳواڻن ٻنهي ملڪن جي وچ ۾ سفارتي رابطا جاري رکڻ جي ضرورت تي پڻ زور ڏنو.