ڪراچي(رپورٽ: حبيب جمالي)سنڌ پوليس 608 گهربل ڏوهارين جا تفصيل جاري ڪري ڇڏيا آهن جنهن ۾ شڪارپور، ڪشمور، گهوٽڪي ۽ سکر جي ڪچي ۾ 288 ڌاڙيل موجود هجڻ جو پڻ انڪشاف ڪيو ويو آهي
سنڌ پوليس بليڪ اينڊ گري بوڪ 2023 جاري ڪيا، بليڪ بوڪ ۾ ڪچي جي انعام يافته ڌاڙيلن سميت 398 ڏوهارين جا نالا تفصيلن سميت شامل ٿيل آهن
پوليس اختيارين موجب بليڪ بوڪ ۾ شڪارپور جا 143، سانگھڙ جا 14، ڪشمور جا 85، ڄامشوري جا 15، لاڙڪاڻي جا 6، گھوٽڪي جا 47، قمبر ٽنڊي الهيار جو هڪ هڪ، سکر جا 13 ڌاڙيل ۽ ڏوهاري شامل آهن
مٽياري جا 18، شهيد بينظيرآباد جا 3، جيڪب آباد جا 19، عمرڪوٽ جا 2، خيرپور جا 8، نوشهري فيروز جا 7، دادو جا 11 ۽ ڪراچي پوليس کي گھربل 5 جوابدارن کي به شامل ڪيو ويو آهي
پوليس موجب بليڪ بوڪ ۾ اڪثر ڪري ڌاڙيلن ۽ ڪارون ڦرون ڪندڙ خطرناڪ ڏوهارين جا نالا شامل آهن، جڏهن ته گري بوڪ ۾ وري 210 انتهائي گھربل جوابدارن جا نالا شامل آهن
پوليس اختيارين موجب گري بوڪ ۾ ڪراچي پوليس کي گھربل 52 جوابدارن جا نالا تصويرن ۽ تفصيلن سان شامل ٿيل آهن
حيدرآباد، لاڙڪاڻي، قمبر، دادو، بدين، مٽياري ۽ ٽنڊي محمد خان جا 10-10، سکر، شهيد بينظير آباد، نوشهري فيروز ۽ ٽنڊي الهيار جا 9، سجاول جا 4، ميرپورخاص ۽ جيڪب آباد جا 8، عمرڪوٽ سانگهڙ جا 5، ٿرپارڪر جا 2، خيرپور جا 6، شڪارپور جو هڪ، ڪشمور جا 3 جوابدار شامل آهن
