شڪارپور ۾ ذوالفقار ڪماريو جي حلف کڻڻ کان اڳ ئي پ پ ڌڙابندي جو شڪار: سومرا برادي پاران بائيڪاٽ

شڪارپور(رپورٽ: وحيد بروهي) شڪارپور ۾ ذوالفقار ڪماريو جي حلف کڻڻ کان اڳ ئي پ پ ڌڙابندي جو شڪار ٿي وئي، سومرا برادي پاران حلف برداري تقريب جي بائيڪاٽ جو فيصلو ڪيو ويو

ضلعي ڪائونسل چيئرمين ذوالفقار ڪماريو ۽ وائيس چيئرمين بھار خان شر، ميونسپل چيئرمين فياض محمود شيخ، وائيس چيئرمين وسيم صديقي اڄ ڪندن مارڪي ۾ حلف کڻندا

حلف برداري تقريب کان اڳ پ پ ڌڙابندي جو شڪار ٿي ويو آھي، 10ھازار کان وڌيڪ ووٽ رکندڙ سومرا ڪميونٽي کي ليڊ ڪندڙ پ پ سٽي صدر عقيل عباس پاران مسلسل نظر انداز ڪرڻ بعد سڌي ۽ اڻ سڌي ريت حلف برداري پروگرام ۾ وڃڻ کان بائيڪاٽ ڪري ڇڏيو آھي

هي به پڙهندا

 ذريعن کان معلوم ٿيو آھي ته عقيل عباس سومرو پاران خانا پوري ڪرڻ لاء حلف برداري تقريب ۾ ھڪ ٻه ڪائونسلر موڪلڻ جا امڪان آھن

 ميونسپل ڪاميٽي شڪارپور تي چيئرمين شپ لاء شيخ ڀائرن فريال ٽالپر آڏو فياض محمود شيخ کي چيئرمين لاء سامھون آندو ويو جنھن جي ڪري عقيل عباس سومرو کي آئوٽ ڪيو ويو

 پ پ جي سينئر اڳواڻ آفتاب شعبان ميراڻي ۽ سومرا خاندان جي حمير سومرو پاران پ پ جي سٽي صدر ۽ اڳوڻو چيئرمين ميونسپل ڪاميٽي عقيل عباس سومرو کي ٽڪيٽ وٺرائڻ لاءِ پ پ چيئرمين بلاول ڀٽو زرداري گان گھر ڪئي ھئي پر تنھن باوجود صوبائي وزير امتياز شيخ ميونسپل ڪاميٽي پنھنجي ڀاء مقبول احمد شيخ ۽ پنھنجي حوالي ڪري ڇڏيو

 ياد رھي ته شڪارپور ضلعي ڪائونسل جي چيئرمن لاء اڳوڻو ايم پي اي ذوالفقار خان ڪماريو کي چونڊرائي ڀيو ڀائرن کي پاسيرو ڪيو ويو

جڏھن ته شڪارپور ميونسپل جي چيئرمن لاء صوبائي وزير امتياز شيخ جو ڀائيٽو ۽ اڳوڻو صوبائي وزير فياض محمود شيخ، وائيس چيئرمين لاء امتياز شيخ پنھنجو ويجھو ساٿي وسيم صديقي کي مقرر ڪرايو ويو جنھن جي ڪري پ پ حلف کڻڻ کان اڳ ئي ڌڙابندي جو شڪار ٿي چڪ آھي