| صدارتي ايوارڊ يافته شهنائي نواز استاد عبدالله لاڏاڻو ڪري ويو |
ڄامشورو/ڪوٽڙي(رپورٽر) صدارتي ايوارڊ يافته شهنائي نواز استاد عبدالله 72 سالن جي عمر ۾ لاڏاڻو ڪري ويو.خانداني ذريعن موجب استاد عبدالله ڪافي عرصي کان ڦڦڙن ۽ دم جي تڪليف ۾ مبتلا هو. استاد عبدالله برصغير ۾ عالمي شهرت رکندڙ شهنائي فنڪار هو، هن ڪيترن ئي ڏهاڪن تائين شهنائي جي فن ذريعي پنهنجو نالو ٺاهيو. استاد عبدالله جي شهنائي کي پاڪستان، هندستان ۽ بنگلاديش ۾ غير معمولي سڃاڻپ ملي. هن ڪيترن ئي قومي ۽ بين الاقوامي ثقافتي ميلن ۾ شهنائي جو فن پيش ڪيو. استاد عبدالله سنڌي موسيقي کي نئون رنگ ڏيڻ ۾ پڻ اهم ڪردار ادا ڪيو، کيس سندس فنڪاراڻين صلاحيتن سبب صدارتي ايوارڊ سان نوازيو ويو.