صدر جي ڀٽيون ۾ استاد ۽ هيڊماستر ۾ جهيڙو، هڪٻئي تي سنگين الزام

صدرجي ڀٽيون (رپورٽر)  صدرجي ڀٽيون لڳ گورنمنٽ پرائمري اسڪول ٻلهڻ ۾ استادن ۾ جهيڙو ٿي پيو، هڪ ٻئي تي ڊيوٽي نه ڪرڻ جا الزام هنيا آهن

استاد غلام نبي شيخ الزام هڻندي چيو آهي ته منهنجي طبيعت خراب هئي، هيڊ ماستر غلام اصغر ڪلهوڙو حاضري بڪ تي حاضري ڀرڻ کان منع ڪندي حملو ڪري تشدد ڪيو، هيڊماستر پاڻ ڊيوٽي ڪرڻ بجاءِ اسڪول ۾ ننڊون ڪندو آهي

هيڊماستر غلام اصغر ڪلهوڙو جو چوڻ آهي ته استاد غلام نبي اسڪول ۾ ڊيوٽي نه ڪندو آهي، سالن کان حاضري ڀري اسڪول مان هليو ويندو آهي، گذريل ڏينهن ٽي اي او ڇاپو هڻي کيس غير حاضر ڪري ويو ۽ اڄ غلام نبي شيخ اسڪول رجسٽر ڦاڙڻ جي ڪوشش ڪندي حملو ڪيو

هوڏانهن مبينا تشدد جو شڪار بڻيل استاد غلام نبي شيخ پاران هيڊ ماستر غلام اصغر ڪلهوڙو جي اسڪول ۾ ننڊ ڪرڻ جي وڊيو جاري ڪئي وئي آهي