ضياءُ لنجار، آءِ جي سنڌ، علي گوهر مهر ۽ ٻين تي اغوا الزام: پٽيشن داخل

گهوٽڪي(رپورٽر) گهوٽڪي جي وڪيل سيد قمبر علي شاهه مٿان گهر آڏو حملو ڪري ڀائيٽي علي رضا شاهه کي مبينا اغوا ڪرڻ وارو معاملو، گھوٽڪي ڊسٽرڪٽ بار جي وڪيل سيد قمبر علي شاهه ڪاظمي گهرو وزير ضياءَ لنجار، آءِ جي سنڌ، ايم پي اي علي گوهر خان مهر، راجا مهر، ايس ايس پي گهوٽڪي سميت 16 ڄاتل ۽ 10 اڻڃاتل ماڻهن خلاف ڊسٽرڪٽ اينڊ سيشن جج گهوٽڪي جي عدالت ۾ درخواست داخل ڪري ڇڏي،وڪيل سيد قمبر علي شاهه ڊسٽرڪٽ اينڊ سيشن جج گهوٽڪي جي عدالت ۾ درخواست داخل ڪرائيندي موقف اختيار ڪيو آهي ته گهرو وزير ضياءَ لنجار ايم پي اي علي گوهر خان مهر راجا خان مهر آءِ جي سنڌ ڊي آءِ جي سکر قربان ملاڻو جي چرچ تي بشير ملاڻو رياض ملاڻو ۽ ٻين منهنجي گهر تي ڪاهه ڪري منهنجي ڀائيٽي سيد رضا شاهه کي اغوا ڪري ويا آهن پر پوليس هن وقت تائين ان کي بازياب ناهي ڪرايو، عدالت اهڙي داخل درخواست ٻڌڻ جوڳي قرار ڏيندي ڌرين کي نوٽيس جاري ڪندي رپورٽ طالب ڪري ورتي آهي.