عامر خان بنا ورزش يا ماني 18 ڪلوگرام وزن گهٽائي ڇڏيو

ممبئي (ڪلچرل ڊيسڪ) بالي ووڊ جي مسٽر پرفيڪشنسٽ عامر خان بنا ورزش يا غذا ۾ تبديلي جي 18 ڪلوگرام وزن گهٽائڻ جو راز ظاهر ڪري ڇڏيو، عامر خان هن وقت پنهنجي نئين فلم ‘هيپي پٽيل’ جي پروموشن ۾ مصروف آهي، انهي فلم ۾ عامر خان مک ڪردار ۾ ناهي  پر هن جو فلم ۾ هڪ ڪردار آهي. تازو عامر خان هڪ انٽرويو ۾ انڪشاف ڪيو ته هن ڪڙي ورزش يا ڪريش ڊائٽنگ بنا 18 ڪلوگرام وزن گهٽايو آهي هن چيو ته مائيگرين (مٿي جي سور جو قسم ) جي علاج لاءِ ‘اينٽي انفليميٽري غذا’ واپرائڻ سبب 18 ڪلو وزن گهٽيو،  ساڳئي ريت منهنجي مائيگرين ۾ به ڪافي گهٽتائي آئي آهي. آڪٽوبر 2024 ۾ وديا بالن پڻ اينٽي انفليميٽري غذا ذريعي وزن گهٽائڻ جو ذڪر ڪيو  هو.