عامر خان جي هدايتڪاره ڪرن رائو سان شادي برقرار؟

ممبئي (ڪلچرل ڊيسڪ) بالي ووڊ جي مسٽر پرفيڪشنسٽ عامر خان جي اڳوڻي زال۽ هدايتڪاره ڪرن رائو اسپتال ۾ علاج هيٺ آهي، هن اپينڊڪس سرجري کانپوءِ ‘انسٽاگرام’ تي پنهنجون تصويرون جاري ڪيون آهن. سر ايڇ اين ريلائنس فائونڊيشن جي اسپتال ۾ داخل ڪرن اسپتال پاران مريض کي پائڻ وارو بينڊ (جنهن تي مريض جو نالو لکيل آهي) ۽ پنهنجي هڪ سيلفي پڻ شيئر ڪئي. حيرت جي ڳالهه اها آهي ته عامر خان جو نالو اڃا تائين ڪرن رائو جي نالي سان جڙيل آهي، هن اسپتال ۾ پنهنجو پورو نالو ‘ڪرن عامر رائو خان’ لکيو آهي، جنهن استعمال ڪندڙن جي ذهنن ۾ سوال اٿاريا آهن ته ڇا جوڙي ۾ اڃا تائين طلاق نه ٿي آهي ؟