عمران کانسواءِ ڊي چوڪ تان نه وينداسين: بشريٰ ڪارڪنن کان واعدو ورتو

اسلام آباد: عمران خان جي گهرواري بشريٰ بي بي ڊي چوڪ تي پهچندڙ ڪارڪنن کان واعدو ورتو ته عمران خان کي پاڻ سان گڏ وٺي وڃڻ کانسواءِ ڊي چوڪ نه ڇڏينداسين. خيبرپختونخوا مان پي ٽي آءِ جو قافلو سموريون سرڪاري رڪاوٽون پار ڪري ڊي چوڪ پهتو، بشريٰ بي بي ڪارڪنن کي خطاب ڪيو، هن چيو ته ته عمران خان رڳو اوهان عوام لاءِ بيٺو آهي ۽ بيٺو رهندو، اوهان کي واعدو ڪرڻو پوندو ته جيستائين عمران خان اوهان جي وچ نٿو اچي، ڊي چوڪ نه ڇڏينداسين. هن چيو ته منهنجو اوهان سان واعدو آهي ته مان آخري فرد هونديس جيڪا ڊي چوڪ تي رهندي. خان صاحب کي وٺي وڃڻ کان سواءِ هتان نه نڪرنديس ۽ جيڪڏهن ڪو اوهان کي اهو چوي ته بي بي بشريٰ ڊي چوڪ ڇڏي وئي  ته اهو ڪوڙ هوندو. ان موقعي تي ماڻهن جينا هوگا مرنا هوگا ڌرنا هوگا ڌرنا هوگا جا نعرا هنيا. بشريٰ بي بي چيو ته ڪو ٻيو ليڊر هجي ها ته ڊيل ڪري ها، هڪ مسلمان ٻئي مسلمان کي ناهي ماريندو، اسان تي شيلنگ ڪئي وئي.