ڪراچي (مانيٽرنگ ڊيسڪ) صوبائي وزير شرجيل انعام ميمڻ چيو آهي ته پرڏيهي وزير ۽ پ پ چيئرمين بلاول ڀٽو زرداري اڄ کان 3ڏينهن جي دوري تي آزاد ڪشمير وڃي رهيو آهي اتي هو جلسي کي خطاب ڪندو هن چيو ته عمران جي غلط پاليسين جي ڪري ڪشمير ڪاز کي نقصان پهتو عمران اڄ به پاڪستان جي ڪاز کي نقصان پهچائي رهيو آهي
ڪراچي ۾ پريس ڪانفرنس ڪندي هن وڌيڪ چيو ته ڪشمير جي معاملي تي ڪو به سمجهوتو نه ٿيندو مودي جي اليڪشن ۾ گهٽ عقل جاهل عمران خان چيو هو ته مودي کٽندو ته ڪشمير جو مسئلو حل ٿيندو هن بي جي پي جي سپورٽ ڪئي هئي
شرجيل ميمڻ چيو ته عوام سوچي ۽ پنهنجون اکيون کولي عمران پنهنجي اقتدار ۽ ڪرسي لاءِ قوم سان مسلسل ڪوڙ ڳالهايو آهي عمران خان ادارن ۽ سربراهن کي نشانو بڻائي رهيو آهي
هن چيو ته شهيد ذوالفقار علي ڀٽو شهيد بينظير ڀٽو ۽ آصف زرداري ڪشمير جو ڪيس بهتر انداز ۾ وڙهيو آهي بلاول ڀٽو زرداري به ڪشمير جو ڪيس وڙهي رهيو آهي هن چيو ته سرينگر ۾ ٿيندڙ جي 20 ڪانفرنس ۾ ڪيترائي ملڪ شرڪت نه ڪري رهيا آهن بلاول آزاد ڪشمير جي دوري تي وڃي رهيو آهي
صوبائي وزير چيو ته عمران خان ڪٺ پتلي وزير هو جن ادارن کيس پيدا ڪيو ماڻهن کي پڪڙي پارٽي ۾ شامل ڪرايو ۽ کين ريموٽ تي هلايو اهي به هاڻ هن مان بيزار ٿي ويا آهن عمران خان عالمي سطح تي ملڪ جي بدنامي ڪئي نمڪ حرامي جا سمورا رڪارڊ ٽوڙي ڇڏيا عمران جي نا اهلي جي ڪري پاڪستان تنهائي جو شڪار ٿي ويو
