عمرڪوٽ اسپتال جي ڊاڪٽر سميت ٽن ڄڻن تي هراسمينٽ ڪيس داخل

عمرڪوٽ(رپورٽر) ڊسٽرڪٽ هيڊ ڪواٽر اسپتال ۾ مقرر ڊاڪٽر سميت ٽن ڄڻن تي ڊاڪٽرياڻي کي هراسان ڪرڻ جو ڪيس داخل ڪيو ويو آهي. ڊسٽرڪٽ هيڊ ڪواٽر اسپتال ۾ مقرر ايل ايڇ وي فائزہ جي فرياد تي سٽي ٿاڻي عمرڪوٽ تي ڊاڪٽر رئيس مهر چوڪيدار شڪور ۽ ساحل خلاف حراسان ڪرڻ ۽ مبينه زيادتي ڪرڻ جي ڪوشش ڪرڻ جو ڪيس داخل ڪيو ويو آھي اسپتال ۾ مقرر ايل ايڇ وي فائزه پاران سٽي ٿاڻي عمرڪوٽ تي داخل ڪرايل ڪيس ۾ ڄاڻايو آھي ته ڊسٽرڪٽ هيڊ ڪواٽر اسپتال عمرڪوٽ ۾ مقرر ڊاڪٽر رئيس مهر چوڪيدار شڪور ۽ ساحل نالي شخص دوستي رکڻ لاءِ بار بار تنگ ۽ هراسان ڪندا هئا دوستي رکڻ کان انڪار ڪرڻ تي جوابدارن مبينا طور ساڻس ڏاڍائي ڪرڻ جي ڪوشش ڪئي ۽ ڪپڙا پڻ ڦاڙيا ويا ايس ايڇ او عمرڪوٽ احمد بخش راھمون موجب ايل ايڇ وي فائزا کي هراسان ڪرڻ ۽ زيادتي ڪرڻ جي ڪوشش ڪندڙ ٽن جوابدارن خلاف قلم 509 تحت ڪيس داخل ڪيو آهي جوابدارن جي گرفتاري لاءۡ ٽيمون نڪتل آهن واقعي جي جاچ جاري آهي جڏھن ته الزام ھيٺ آيل ڊاڪٽر رئيس مھر رابطو ڪرڻ تي ٻڌايو ته مٿن لڳايل الزام ۽ داخل ڪرايل ڪيس من گھڙت ۽ بي بنياد آھي فائزه ايل ايڇ وي آھي جيڪا ھڪ ايمبولينس ڊرائيور سان ملي غلط حرڪتون ڪندي ھئي روڪڻ تي ڪوڙو ڪيس داخل ڪرايو آھي ھن چيو ته مبينه طور فائزه جيڪا درخواست ايس ايس پي عمرڪوٽ کي ڏني ۾ ڪپڙا ڦاڙڻ يا زيادتي جي ڪوشش جو ڪو به ذڪر ٿيل ناھي پر ڊرامائي طور ايف آء آر ۾ وري اھڙا الزام ھنيا ويا آھن.