| عمرڪوٽ ضلعي ۾ گوسڙو استادن جو گهيرو تنگ، 80 کي شوڪاز ، ڪميٽي آڏو پيش ٿيڻ جو حڪم |
عمرڪوٽ(رپورٽ: الياس ٿري) ڊاريڪٽر پرائمري اسڪول ميرپورخاص فقير محمد خاصخيلي عمرڪوٽ ضلعي جي مختلف اسڪولن ۾ مسلسل ڊيوٽي تان غيرحاضر رهندڙ 80 استادن کي شوڪاز نوٽيس جاري ڪري ڇڏيا آھن ڊپٽي ڊائريڪٽر پرائمري ميرپورخاص ڏاڙهون ڀيل ڊسٽرڪٽ ايجوڪيشن آفيسر پرائمري عمرڪوٽ عنايت الله ڪنڀار چيف مانيٽرنگ آفسير رجب سٺيو ۽ چئني تعلقن جي تعلقه آفسير تي ٻڌل ڪاميٽي قائم ڪري ڄاڻايل گوسڙو استادن کي ڪميٽي آڏو پيش ٿيڻ جو حُڪم ڏنو ويو آھي غير حاضر رهندڙ 80 استادن کي 13 جنوري تي ڊي اي او آفيس عمرڪوٽ ۾ ڪاميٽي آڏو پيش ٿيڻ جو چيو ويو آھي گوسڙو ڄاڻايل استادن ۾ منور علي امام بخش عادل نظير شازيه ڀاڳونتي صنم سريش ڪمار انور علي نور محمد ۽ ٻيا شامل آھن ، غير حاضر رهندڙ 80 استاد بائيو رڪارڊ سسٽم ۽ ٽي اي او جي وزٽ دوران اسڪولن مان غير حاضر هئا جن کي ڪميٽي آڏو پيش ٿيڻ لاءِ چيو ويو.