| عمرڪوٽ ويجھو 11 ورهين جي نينگري مبينا اغوا |
عمرڪوٽ(رپورٽر) عمرڪوٽ ويجھو ڳوٺ روحل واء مان 11 سالا نينگري مبينا طور اغوا ٿي وئي آهي. روحل واھ ڳوٺ مان 11 سالا نينگري لڇمي ڌي ھيرو ڪولھي کي مبينه طور ٽن جوابدارن رميش راڻو ۽ امولک ھٿيارن جي زور تي اغوا ڪري ورتو آھي اھڙو موقف سندس وارثن پاران داخل ڪرايل ڪيس ۾ اختيار ڪيو آھي وومين پوليس نينگري لڇمي جي ماء اجو زال ھيرو ڪولھي جي فرياد تي ڪيس داخل ڪري ورتو آھي نينگري جي ماء اجو ڪولھي ڪيس ۾ ڄاڻايو ته ٽي جوابدار رات جي وقت ھٿيارن جي زور تي گھر ۾ داخل ٿي نينگري کي اغوا ڪيو آھي وومين پوليس ڪيس داخل ڪرڻ بعد جوابدارن جي گرفتاري لا ڪاروارون شروع ڪري ڇڏيون آھن پر دير تائين ڪا به گرفتاري عمل ۾ نه اچي سگھي ھئي.