| عمرڪوٽ ۾ 4 هزار رپين لاءِ عورت ۽ ٻن ڀائرن تي وحشياڻو تشدد |
عمرڪوٽ (رپورٽر ) عمرڪوٽ ۾ چار ھزار رپيا نه ڏيڻ تان عورت وير ٻائي سنگراسي ۽ سندس ٻن ڀائرن ۽ ڀاڻيجي مٿان حملو ڪري سخت تشدد ڪيو ويو، رحيم ڪالوني جي رھواسڻ وير ٻائي سنگراسي جي گھر ۾ مبينه بااثرن پاران داخل ٿي وير ٻائي ڀاءُ جان محمد، خان محمد سندس ڀاڻيجي شبانه مٿان جوابدارن بشير، يعقوب، چنسير ۽ لياقت وارن مبينا تشدد ڪيو. وير ٻائي سنگراسي ٻڌايو ته چار ھزار رپيا اڌارا ورتا ھئا جيڪو واپس نه ڏيڻ جي ڪري مون مٿان ٻه ڀائر ۽ ڀاڻيجي کي گھر اندر داخل ٿي مارڪٽ ڪري تشدد ڪيو ويو ھن چيو ته اسان بار بار چوندا رھياسين ته ٻڪر پڙي ۾ کپائي پئسا ڏيون ٿا تنھن باوجود مارڪٽ ڪندا رھيا ھن چيو ته وقتن به وقت اسان کي ڌمڪيون ڏيندا رھيا ڪيترائي ڀيرا گھر ۾ داخل ٿي تشدد ڪندا رھندا ھئا غربت سبب پئسا نه ڏئي سگھيس ھن چيو ته ٿاڻي تي ويس بااثرن جي پٺڀرائي جي ڪري پوليس ڪيس داخل ڪرڻ کان انڪار ڪري ڇڏيو اسان کي ھنن مان جان جو خطرو آھي تحفظ ڏنو وڃي.