عمر ڪوٽ ۾ نوجوان جو مٿو، ڀرون ۽ شهپر ڪوڙي تذليل، ڪپڙن کان آجو ڪري شهر جو گشت ڪرايو ويو

عمرڪوٽ (رپورٽر) عمرڪوٽ شهر رونجھا پاڙي ۾ گذريل رات دير سان اکي جي ڍاڻي واسي نوجوان دليپ ميگھواڙ کي مسمات مهناز رونجھو جي گهر ۾ داخل ٿيڻ ۽ چوري

 ڪرڻ جي الزام تي رونجھا برادري جي ماڻھن پاران دليپ ميگھواڙ جي مٿي جا وار، ڀرون شهپر ڪتري تذليل جو نشانو بڻايو ويو ان بعد نوجوان کي ڪپڙن کان آجو ڪري شهر جو گشت ڪرايو ويو تشدد ڪرڻ بعد دليپ ميگھواڙ کي سٽي ٿاڻي جي پوليس حوالي ڪيو ويو

نوجوان تي تذليل واري واقعي کانپوءِ وزير اعلي جي خاص معاون سريندر ولاسائي پاران نوٽيس ورتو ويو، جڏهن ته مسمات مهناز رونجھو جي فرياد تي دليپ ميگھواڙ مٿان گهر ۾ داخل ٿيڻ ۽ چوري ڪرڻ جو ڪيس سٽي ٿاڻي تي داخل ڪيو ويو آهي

 رابطو ڪرڻ تي وزير اعلي جي خاص معاون سريندر ولاسائي ٻڌايو ته اهو سراسر جهنگل جو قانون آهي دليپ ميگھواڙ تي ٿيل تذليل جي مذمت ڪيان ٿو هن چيو ته مون ايس ايس پي عمرڪوٽ اعجاز احمد شيخ سان ڳالھه ڪئي صاف شفاف انڪوائري ڪئي ڪري ۽ دليپ ميگھواڙ تي ٿيل تذليل جو ڪيس رونجھا برادري ماڻهن داخل ڪيو وڃي