| عورت جو ڀوڳ: ڪنوار جي انٽري ٿي وئي خراب |
لنڊن (انٽريسٽنگ نيوز) شادي ۾ سڀ کان يادگار لمحو گهوٽ ڪنوار جي هال ۾ انٽري جو هوندو آهي جڏهن هو گڏجي مهمانن جي سامهون داخل ٿين ٿا، ان يادگار لمحي کي ڪيميره ۾ محفوظ ڪيو وڃي ٿو، سوشل ميڊيا تي هڪ وڊيو تيز رفتاري سان وائرل ٿي رهي آهي جنهن ۾ هڪ عورت جي حرڪت سبب ڪنوار جي انٽري خراب ٿي وئي، جنهن کي ماڻهن شديد تنقيد جو نشانو بڻائي ورتو، ڪنوار پنهنجي شادي ۾ پيش آيل هن انوکي واقعي جي وڊيو پڻ سوشل ميڊيا تي شيئر ڪئي. واقعو ڪجهه اهڙيءَ طرح پيش آيو ته شادي جي تقريب ۾ ڪنوار پنهنجي والد سان گڏ هال ۾ داخل ٿي رهي هئي، سڀ مهمان ان کي ڏسي رهيا هئا، ان دوران عورت جي ان حرڪت سڀني کي حيران ۽ پريشان ڪري ڇڏيو. ڪنوار جي هال ۾ داخل ٿيڻ جو جذباتي منظر فلم بند ٿي رهيو هو ڪنوار پنهنجي والد سان مهمانن سان ڀريل هال ۾ اچي ٿي، ان دوران هڪ عورت پويان ڏاڪڻين جي ريلنگ ذريعي ترڪندي هيٺ اچي ٿي، جنهن کي ڪيميره ۾ محفوظ ڪيو ويو. عورت جي ان حرڪت سبب سڀني مهمانن جو ڌيان ڪنوار کان هٽي ڪري ان طرف ٿي ويو، ان حوالي سان ڪنوار پنهنجي پيغام ۾ لکيو ته “هن ڪم ته سٺو ڪيو آهي پر هي لمحو ڏسي ڪري مون کان به کل نڪري وئي.