غلام مرتضيٰ جتوئي خلاف جاچ جي اجازت
جُون 10, 2025
ڪراچي (پنهنجي ڊيسڪ ) سنڌ هاءِ ڪورٽ غلام مرتضيٰ جتوئي خلاف داخل ڪيل ڪيسن بابت پوليس کي جاچ جي اجازت ڏئي ڇڏي آهي.
گهرو وزير جي گهر تي حملي ۽ اهلڪارن کان هٿيار کسڻ جي الزام ۾ جي ڊي اي اڳواڻ خلاف ڪيس داخل ڪيو ويو هو
ڪراچي ۾سنڌ هاءِ ڪورٽ ڊي اي اڳواڻ جي پوليس خلاف داخل ڪرايل توهين عدالت جي درخواست تي ٻڌڻي ڪئي.
عدالت پوليس کي ڪيسن جي جاچ جي اجازت ڏيندي ڊي ايس پي رينڪ جي آفيسر کي جاچ آفيسر مقرر ڪرڻ جو حڪم ڏئي ڇڏيو آهي
درخواستگذار جي وڪيل بئرسٽر عمر سومرو موجب سنڌ هاءِ ڪورٽ غلام مرتضيٰ جتوئي ٻين خلاف نوان ڪيس داخل ڪرڻ کان روڪي ڇڏيو هو پر عدالتي حڪمن جي باوجود وڌيڪ ڪيس داخل ڪري توهين عدالت ڪئي وئي آهي.
ڊي آءِ جي شهيد بينظيرآباد ٻڌايو ته اڳوڻي وفاقي وزير خلاف 2 نوان ڪيس داخل ڪيا ويا آهن
