فريد آباد ويجهو ٻن ڄڻن جي پلاند ۾ ڳوٺ تي حملو: واٽهڙو مارجي ويو

فريد آباد (ن پ و) فريد آباد ويجهو ٻن ڄڻن جي قتل جي پلاند ۾ هٿياربندن ڳوٺ تي حملو ڪري ڏنو، فائرنگ ۾  واٽهڙو مارجي ويو

تفصيل موجب ڪالھه ميھڙ جي وحدت ڪالوني ۾ گوليون هڻي قتل ڪيل علي انور چانڊيو ۽ عبدالڪريم جانوري جي پلاند ۾ هٿياربندن ڳوٺ گڙتل تي حملو ڪري ڏنو، گوليون لڳڻ سبب نوجوان واٽھڙو ميرمرتضي رند فوت ٿي ويو

 ان حوالي سان ڳوٺ گڙتل جي رھواسي مقتول جي سئوٽ عبدالعزيز رند ۽ ٻين چيو ته ڪالهه ميھڙ واقعي بعد ڪاڇي جي ڳوٺ ميانداد چانڊيو جي رھواسي غلام حسين ميرڙاڻي کي مارڻ لاءِ آيل نامعلوم ھٿياربندن فائرنگ ڪئي

هنن ٻڌايو ته  ٽريڪٽر تي ٻني مان ڪاٺيون کڻندڙن مزدورن لاءِ ماني کڻي ويندڙ اسان جو نوجوان مرتضي رند  سڌيون گوليون لڳڻ سبب  قتل  ٿي ويو آهي

 سندن چوڻ هو ته جوابدارن اسان جي نوجوان کي بي گناهه قتل ڪري اسان سان ظلم ڪيو ويو آهي، چانڊيه برادري جي ڌرين سان اسان جو ڪوبه واسطو ناهي ان باوجود اسان سان ناحق ڪيو ويو آهي

ٻي طرف نوجوان جو لاش پوسٽ مارٽم لاءِ وارث وارهه کڻائي ويا آهن