فيض گنج جا 5 پورهيت ڪراچي مان مبينا کنڀي گم، وارثن جو احتجاج

فيض گنج (رپورٽر)    فيض گنج جا 5پورهيتن کي  ڪراچي مان مبينا طور تي کنڀي گم ڪرڻ خلاف وارثن احتجاج ڪيو

ڳوٺ کنڊو خان شر واسي 5پورهيت راشد شر، قرب علي شر، سعيد الله شر، حليم الله شر، علي ڏنو شر مبينا طور تي ڪراچي مان کنڀي گم ڪيا ويا آهن

وارثن عطا حسين، خادم شر، اڪبر شر ۽ٻين جي اڳواڻي ۾ احتجاجي  مظاهرو ڪيو، ان موقعي تي هنن چيو ته پنج ئي پورهيت ڪراچي جي نجي ڪمپني ۾ مزدور ڪندا هئا جتان پراسرار طور کنڀي گم ڪيو ويو آهي

هنن چيو ته اسان غريب ماڻهو آهيون، نوجوان ڪراچي ڪمائڻ لاءِ ويا هئا انهن جو ڪنهن به پارٽي سان تعلق ناهي، اسان کي خدشو آهي ته کين قتل ڪيو ويندو

 هنن گهر ڪئي ته پورهيتن جي معاملي بابت جاچ ڪرائي پورهيتن کي بازياب ڪرايو وڃي نه ته احتجا ج جاري رهندو