لاڙڪاڻو ڌرم شالا ۾ نياز، امام حسين سڀني جو آهي: هندو پنچائت

لاڙڪاڻو (بيورو رپورٽ) لاڙڪاڻي ۾ هر سال جيان هن سال به ڪربلا جي شهيدن جي ياد ۾ پوڄ هندو پنچائت طرفان هندو ڌرم شالا ۾ نياز امام حسين عليه السلام جو اهتمام ڪيو ويو

 جنهن ۾ پ پ اڳواڻ جميل سومرو، شاهه رخ سيال، امداد مشوري، مرتضيٰ ڪلهوڙو، نويد لاڙڪ، هريش لال، ايڊووڪيٽ ڪلپنا ديوي، ڊاڪٽر امبرت لال ۽ ٻين شرڪت ڪئي، ايڊووڪيٽ ڪلپنا ديوي جو چوڻ هو

 ته اسان حضرت محمد صلي الله عليه وسلم جي آل سان جيتري محبت ڪندا آهيون ان محبت کي اسان لفظن ۾ بيان نٿا ڪري سگهون، اها اڄ جي ڳالهه نه پر اسان جي پيدائش ۽ نسلن کان اها دعويٰ ڪندا آهيون

 ته حضرت امام حسين عليه السلام ۽ آل محمد صلي الله عليه وسلم اسان جا به آهن، هن چيو ته مسلمانن سان گڏ اسان هندو برادري به محرم الحرام جا ڏهاڙا عقيدت ۽ احترام سان ملهائي ٿي