| لاڙڪاڻي مان ذهني معذور ناري پر اسرار نموني گم، والدين جو احتجاج |
لاڙڪاڻو (بيورو رپورٽ) لاڙڪاڻي شهر جي پراڻي ٽئنڪ چوڪ واري علائقي جي رهواسي پورهيت 18 ڏينهن اڳ پراسرار نموني گم ٿي ويل ڌيءَ جي ڳولا ۾ مدد لاءِ پريس ڪلب اڳيان احتجاج ڪيو. ان موقعي تي پيرسن پورهيت محمد امين کهاوڙ پنهنجي پٽ آفاق علي ۽ ڄاٽي عارف علي کهاوڙ سان گڏجي ميڊيا آڏو دانهيندي چيو ته 18 ڏينهن اڳ منهنجي ذهني معذور نياڻي 35 سالن جي امبرين گهران نڪرڻ بعد پراسرار نموني گم ٿي وئي آهي، اهڙو اطلاع حد جي الھ آباد ٿاڻي تي ڏيڻ سان گڏ سندس ڳولا مختلف هنڌن تي پڻ ڪئي آهي، پر تنهن باوجود هن وقت تائين نياڻي جو ڪوبه ڏس پتو ناهي پئجي سگهيو. هن چيو ته ڌيءِ جي گم ٿيڻ کان پوءِ سمورا گهرڀاتي سخت پريشانين ۾مبتلا ٿي ويا آهيون.هنن ضلعي پوليس سميت ٻين وس وارن کي اپيل ڪئي ته معاملي جو نوٽيس وٺي نياڻي جي ڳولا ۾ مدد ڪري ڇانيل پريشاني ختم ڪئي وڃي.