| لاڙ پٽ موسيقي جي حوالي سان شاھوڪار آھي: ساڃاهه وند |
بدين (رپورٽر) سنڌ جي نالي واري فنڪار استاد الھڏنو جو ڻيجو سان جيم خانا ھال بدين ۾ ثقافت کاتي ۽ لاڙثقافتي آرٽس ڪائونسل بدين پاران رھاڻ رچائي وئي. مھمان خاص پروفيسر نقاش علواڻي خطاب ڪندي چيو ته استاد الھڏنو جوڻيجو جي سڃاڻپ موسيقي سان آھي، ھن چيو ته لاڙ پٽ موسيقي جي حوالي سان شاھوڪار آھي ،شھيد دودي سومري جي دور کان ڀاڳو ڀان ۽ مرکان شيخڻ جي شاعري جو دور به موسيقي جو بنيادي دور ھو ،ان وقت جا شاعر سگھڙ به ھئا ۽ لوڪ فنڪار به ھئا،اسان وٽ قاضي قادن ۽ خليفي نبي بخش جي دور تائين ڪلاسيڪي شاعري سرجي ۽ ڪلھوڙن جي دور ۾ شاھ لطيف جي شاعري سنڌ جي ڪلاسيڪي دور جو حصو رھي، ھن چيو ته ھاڻي وارو دور انگريزن جي اچڻ بعد اسان وٽ مغرب ۽ مشرق واريبٻن دورن ۾ ورھائجي ويو.اھڙي طرح فن جي ورھاست ٿي وقت جي حساب سان ماسٽر چندر پراڻي روايت کي ٽوڙي موسيقي ۾ نواڻ ڏني ،جنھن کي ڪي حلقا مسٽر چندر کي اگھاڙو دور چوڻ لڳا ،اھا موسيقي جيوڻي ٻائي تائين اچي ٿي ،جيڪا فن جي نئين روايت ھئي، اسان وٽ موسيقي جو گھڻو ڪم پٽيالا گھراڻي جو رھيو، ھن چيو ته لاڙ پٽ ۾ استاد گامڻ خان ،استاد حدو خان ،استاد مبارڪ علي خان کي بدين ۾ پير عالي شاھ ۽ رئيس ڪريم بخش ھتي متعارف ڪرايو،ان کان پوء استاد قدرت الله خان ،استاد ھاشم ڪڇي ،استاد اسحاق عرف مٺو ڪڇي ھٿي جا ڀلوڙ راڳي ٿي گذريا آھن. پروگرام ۾ عرفان کٽي، زبير جعفراڻي ، مختيار اڪبر ۽ ٻين پڻ الڏنو جوڻيجو کي سنڌ جو يگانو فنڪار قرار ڏنو ،اخر ۾ ڪريم ڪڇي ،اڪبر شاھ ،سليم راھي ۽ استاد الھڏني قومي گيت ڳائي پروگرام کي چار چنڊ لڳايا.لاڙ ثقافتي آرٽس ڪائونسل ضلع بدين جي جنرل سيڪريٽري ستار جوکيو آيل سڀني مھمان کي اجرڪ جا تحفا پيش ڪيا اداري جي ٻين عھديدارن امر سومرو لياقت پروانو حنيف جوڻيجو مختيار علي خاصخيلي اجرڪن جا تحفا پيش ڪيااستاد الھڏنو جوڻيجو جي شاگرد فنڪارن محمد خان رند روشن جوڻيجو دليپ ڪمار فن جو مظاهرو ۽ ڪريم ڪڇي گيت پيش ڪيو.