ماءُ جو لاش لڪائي 3 سال پينشن حاصل ڪندڙ پٽ گرفتار

روم(انٽريسٽنگ نيوز) ماءُ جو لاش لڪائي 3 سال پينشن حاصل ڪندڙ پٽ گرفتار ٿي ويو. پرڏيهي خابرو اداري جي رپورٽ موجب اٽلي جي علائقي مانتووا ۾ 56 ورهين جي شخص 3 سال پنهنجي ماءٌ جو لاش لانڊري روم ۾لڪائي رکيو ، همراهه ماءُ جو روپ اختيار ڪري ٽن سالن تائين سندس پينشن  پڻ حاصل ڪئي . فراڊي پٽ ماءٌ جيان وارن جي ڪٽنگ ڪرائي ۽ سندس ڪپڙا پڻ پائي ٽن سالن ۾ پينشن ۽ 3 ملڪيتن جي مد ۾ هڪ لک 59 هزار يورو حاصل ڪري ورتا. فراڊي هڪ آفيس ۾ وڃي پنهنجي سڃاڻپ ماءُ جي نالي ڊال اوگليو طور ڪرائي جيڪا 2022 ۾ 82 ورهين جي ڄمار ۾ فوت ٿي وئي هئي. سندس شڪل تي هڪ آفيسر کي شڪ ٿيو ڇاڪاڻ ته سندس شڪل ۾ مرداڻا تاثر ۽ آواز پڻ ڳرو هو،  شڪ ٿيڻ بعد آفيسر پوليس ۽ مقامي ميئر کي اطلاع ڏنو. ميئر جي هدايت تي پوليس جاچ شروع ڪئي ته پتو پيو ته اهو فراڊي ڄاڻايل عورت جو پٽ آهي، جاچ دوران تصديق نه ٿيڻ بعد پوليس کيس گرفتار ڪري ورتو، سندس نشاندهي تي عورت جو لاش به هٿ ڪيو ويو. ظالم پٽ ماءُ جي لاش کي هڪ شيٽ ۾ ويڙهي سليپنگ بيگ ۾ رکي ٽن سالن تائين لڪائي رکيو.