| مادورو خلاف ڪارروائي جي نگران آمريڪي نائب صدر جي گهر تي حملو |
واشنگٽن (م ڊ) آمريڪي نائب صدر جي ڊي وينس جي گهر تي اڻڄاتل ماڻهن حملو ڪري دريون ڀڃي ڇڏيون، جنهن کانپوءِ سيڪريٽ سروس ۽ مقامي پوليس فوري طور ڪارروائي ڪندي هڪ شخص کي حراست ۾ وٺي ڇڏيو. سيڪريٽ سروس جا ايجنٽ واردات واري هنڌ پهتا ۽ هڪ شڪي شخص کي حراست ۾ ورتو پر اختيارين ان ڳالهه جي تصديق ناهي ڪئي ته ان شخص تي ڪو الزام لاڳو ڪيو ويو آهي يا نه. هڪ حڪومتي اهلڪار ٻڌايو ته جي ڊي وينس ۽ سندس گهر ڀاتي حملي وقت گهر ۾ موجود نه هئا. واضح رهي ته جي ڊي وينس وينزويلا ۾ آمريڪي فوجي ڪارروائي جي نگراني ڪئي.