مشهورگلوڪار ساحر بگا جو نئون ميوزڪ وڊيو ‘مستاني’ جاري

لاهور(ڪلچرل ڊيسڪ) مشهورگلوڪار ساحر علي بگا نئون ميوزڪ وڊيو ‘مستاني’ جاري ڪيو آهي ،جنهن ۾ صائمه نور، افشان فواد ۽ ثانيه اقبال شامل آهن. صائمه نور ڊگهي وقفي کانپوءِ اسڪرين تي واپس آئي آهي. افشان فواد جي آواز ٽريڪ ۾ حقيقي رنڌگ ڀريا آهن، بگا جي ڪمپوزيشن ۽ فواد جي آواز جو ميلاپ جادو پيدا ڪري ٿو، ساحر علي بگا وڊيو رليز ٿيڻ وقت چيو ته مستاني دل مان ٺهيل هڪ پراجيڪٽ آهي. اهو ڪلاسيڪل ۽ جديد آوازن جو ميلاپ آهي، اها اعزاز جي ڳالهه آهي ته ليجنڊ صائمه نوراسڪرين تي پنهنجي خوبصورتي پکيڙي ٿي . هن چيو ته افشان فواد جي آواز گيت کي جلا بخشي آهي