معصوم آديش ڪمار بازياب نه ٿيو: بڊاڻي ۾ هڙتال: شهرين جي ريلي

بخشاپور(رپورٽر)بخشاپور ويجهو  اغوا ٿيل معصوم آديش ڪمار بازياب نه ٿيو، بڊاڻي ۾ شهرين ڪاروبار بند ڪري ڇڏيو، ريلي ڪڍي وئي

 بخشاپور ويجهو گذريل ڏينهن نامعلوم هٿياربندن جي فائرنگ سبب زخمي ٿيل ڊاڪٽر لجپتراءِ ۽ معصوم نينگر آديش ڪمار جي اغوا واري واقعي خلاف بڊاڻي شهر ۾ مڪمل طور  شٽر بند هڙتال ڪئي وئي آهي

 شهرين پنهنجا ڪاروبار بند ڪري المرتضي چوڪ کان  احتجاجي ريلي ڪڍي  شهر جو گشت ڪيو، ريلي ۾ هندو برادري سياسي سماجي تنظيمن، قومپرست جماعتن سميت شهر واسين جي وڏي انگ  شرڪت  ڪئي

ريلي ۾ شريڪ هندو برادري جي ماڻهن ۽ شهرين پاران معصوم ٻارن جي اغوا جي وارداتن، ڌاڙيل راڄ ۽ پوليس جي نااهلي خلاف سخت نعري بازي ڪئي وئي

شهرين  معصوم نينگر آديش ڪمار، جئديپ ڪمار ۽ مکي جگديش ڪمار جي بازيابي جو مطالبو ڪيو